Direktoratet for forvaltning og økonomistyring (DFØ) fekk i tildelingsbrevet for 2025 i oppdrag frå Digitaliserings- og forvaltningsdepartementet (DFD) å utarbeide eit notat om utfordringsbiletet for forvaltninga.
DFØ-notat 2025:3
Notatet løftar fram behov for effektivisering, nødvendige prioriteringar, styrkt omstilling og auka endringstakt som gjennomgåande utfordringar for norsk forvaltning – staten og kommunane – i åra som kjem.
Nokre hovudpunkt frå notatet
- Knappleik på arbeidskraft og kompetanse gjer at leiarar og tilsette må handtere omstilling og auka uvisse.
- Styringsmekanismane til staten legg for lite til rette for heilskap og prioriteringar som trengst for å nå sektorovergripande mål som digitalisering og berekraft.
- Statsforvaltninga har gått gjennom stadige omorganiseringar innan sektorane og verksemdene enkeltvis, mens det har skjedd få endringar i dei overordna strukturane knytte til departementa.
- Over tid har oppgåver blitt flytta frå staten til kommunesektoren. Samtidig strevar mange kommunar med nok kapasitet og kompetanse til å løyse sentrale velferdsoppgåver og omfanget av lovfesta krav.